Jo thartharaye paap se dhara vikal ho ye gagan
To awtarit hon nath vishnu Ksheer sindhu tyaag ke
Pukaar le, guhaar le, jo bhakt poore bhaaw se
Wo daude aayein chhod ke bichhaune sheshnaag ke
Jo antarikha ki samast taarikayein gaa rahi hain
Bhaagwad puraan me likhi hai wo amar katha
Hiranyakashyap ek thaa asur ki jiske traas se
Ye srishti traahi-traahi-traahi kar rahi thee sarwathaaa
Diya tha war jagatpita ne usko aesi shakti ka
Ki jo ladega uski kroorta se haar jayega
Manushya na hi dewta na jeew-jantu-pashu koi
Samast vishwa me koi na usko maar paayega
Kabhi-kabhi vichitra khel khelta hai ye samay
Jo budhhi-bal se aaj tak koi nahin samajh sakaa
Hua ussi ke ghar me ek dharmnistha ka janam
Wo daityaarj jo prateek tha swayam adharm ka
Wo Vishnu jinko shatru maanta raha asur-pita
Unhi se jaa ke putra ki sab aasthayein jud gayin
Hiranyakashyap ek kshan ye soch ke saham gaya
Ki Rakshshon ki reetiyaan ye kis disha me mud gayin
Prabal thee itni shatruta ki kroorta machal uthi
Mamatwa tha hridya me jo wo vish chadha ke so gaya
Hathi Pita ne putra ko hi praan-dand de diya
Hua nahin tha jo kabhi anarth wo bhi ho gaya
Agar Bhanwar vipattiyon ke gher lein to jaan lo
Ki aasraa hai vishnu ka hi sab sahare chhod ke
Bachao naath aao naath aapdaa me bhakt hai
Pukaarne laga Pralaad dono haath jod ke
Kaundhne lagi gagan pe bijliyon pe bijliyaan
Kadak uthe garaj uthay karodon megh ek sath
Nishabd se, awaak se, hataash se khade rahe,
Sahastra koti dewta ye drishya dekh ek saath
Wo Sher ki dahaad sun chatak gayi shila-shila
Darak gaye nakshtra bhi prachand singnaad se
Kataar ke samaan nakh dhase asur ke waksh me
To laal-laal ho gayin dishayein raktpaat se
Mahaan bhakt ko mila mahawtaar ka daras
Samast prarthnaayein phal gayin jo kee thee naath se
Adharam ka ghana andhera yun parast ho gaya
Ki jaise ratri haarti parakrami prabhaat se !
Song Credits
Song: Mahavtar Narasimha
Singer(s): Manoj Muntashir, Brijesh Shandilya, Kunwar Anshith
Music: Kunwar Anshith
Label: T-Series
Album: Mahavtar Narasimha
Released: 2025
Language: Hindi
Watch Official Video
Thanks for visiting gabrupunjabi.com! If you found any mistakes in the lyrics, please get in touch with us through our Contact Us page. We will correct the mistakes in these lyrics.
Explore the complete lyrics of Mahavtar Narasimha Lyrics – Manoj Muntashir, Brijesh Shandilya, Kunwar Anshith | Mahavtar Narasimha by Brijesh Shandilya. Read the full Punjabi song lyrics and dive into the meaning behind this hit track. Perfect for fans of Punjabi music and Brijesh Shandilya soulful songs!
